Daşkənddə keçirilən III Beynəlxalq lizinq forumu (TILF-2011) Özbəkistan lizinq verənlər Assosiasiyası və SAIPRO informasiya-reytinq agentliyi tərəfindən təşkil olunub. Forumun məqsədi beynəlxalq lizinq icmasının nümayəndələri, o cümlədən Mərkəzi Asiya və digər regionlarda milli və xarici lizinq sahəsində iş adamları arasında əlaqələrin möhkəmləndirilməsinə yardım etməklə lizinqi inkişaf etdirməkdir.

Ansar Lizinq Şirkətinin baş meneceri Ceyhun Nağıyev forumun "Maliyyə imkanları: onların həllinin axtarışı və yolları" mövzulu sessiyasında sədrlik etmişdir. Öz nitqində o, Azərbaycan lizinq bazarının vəziyyəti və həmçinin Ansar Lizinq Şirkətinin fəaliyyəti və yaradılması barəsində məlumat vermişdir.